| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 2.221 | Joseph. BJ 2.226 (English) | >>Joseph. BJ 2.231 |
2.224συνεληλυθότος γὰρ τοῦ πλήθους ἐπὶ τὴν ἑορτὴν τῶν ἀζύμων εἰς Ἱεροσόλυμα καὶ τῆς Ῥωμαϊκῆς σπείρας ὑπὲρ τὴν τοῦ ἱεροῦ στοὰν ἐφεστώσης , ἔνοπλοι δʼ ἀεὶ τὰς ἑορτὰς παραφυλάττουσιν , ὡς μή τι νεωτερίζοι τὸ πλῆθος ἠθροισμένον , εἷς τις τῶν στρατιωτῶν ἀνασυράμενος τὴν ἐσθῆτα καὶ κατακύψας ἀσχημόνως προσαπέστρεψεν τοῖς Ἰουδαίοις τὴν ἕδραν καὶ τῷ σχήματι
-- πρὸς τοῦτο ἅπαν μὲν τὸ πλῆθος ἠγανάκτησεν , καὶ κατεβόων τοῦ Κουμανοῦ κολάζειν τὸν στρατιώτην , οἱ δὲ ἧττον νήφοντες τῶν νέων καὶ τὸ φύσει στασιῶδες ἐκ τοῦ ἔθνους ἐχώρουν ἐπὶ μάχην λίθους τε ἁρπάσαντες ἐπὶ τοὺς στρατιώτας ἔβαλλον .
2.226καὶ Κουμανὸς δείσας μὴ τοῦ λαοῦ παντὸς ἐπʼ αὐτὸν ὁρμὴ γένοιτο , πλείους ὁπλίτας μεταπέμπεται . τῶν δὲ ταῖς στοαῖς ἐπιχεομένων φόβος ἐμπίπτει τοῖς Ἰουδαίοις ἀκατάσχετος , καὶ τραπέντες ἐκ τοῦ ἱεροῦ διέφευγον εἰς τὴν πόλιν .
2.227τοσαύτη δὲ περὶ τὰς ἐξόδους βία συνωθουμένων ἐγένετο , ὥστε πατηθέντας ὑπʼ ἀλλήλων καὶ συντριβέντας ὑπὲρ τρισμυρίους ἀποθανεῖν , γενέσθαι δὲ τὴν ἑορτὴν πένθος μὲν ὅλῳ τῷ ἔθνει θρῆνον δὲ καθʼ ἑκάστην οἰκίαν .
2.228
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 2.221 | Joseph. BJ 2.226 (English) | >>Joseph. BJ 2.231 |
